Campaña de recollida de medicamentos e material sanitario para Venezuela

A comunidade de venezolanos na Estrada está recollendo útiles para enviar aos seus compatriotas afectados tras os dous terremotos do pasado mércores. O máis urxente agora mesmo son os medicamentos e material cirúrxico.

"Necesítanse tensiómetros, termómetros, gasasa, máscaras e medicamentos sobre todo par aos máis pequenos. Antinbióticos, soros, solucións...".

Na Estrada hai tres puntos de recollida. Os bares Antojos e Acrópolis e este espazo chamado Tu Lugar de Encuentro. Un día despois da traxedia, e en colaboración coa Federación de Venezolanos de Galicia, que se encargará de realizar o envío, iniciaron esta campaña tras coñecer a crúa realidade que chega a través dos familiares e amigos que seguen alí.

"A Guaira ten o seu hospital non estivo afectado pero colapsou pola cantidade de persoas feridas. Dende bebés recén nacidos que os temos ata as persoas adultas e maiores. Todos eles necesitan o noso grao de area".

Todas aquelas persoas que desexen axudar poden facelo a través da páxina de FEVEGA, a Federación Venezolana de Galicia, a encargada de coordinar toda a axuda humanitaria.