Comeza a época de graduacións, con celebracións por todo o alto

Traxes, vestidos, fotos para a orla, peiteados, maquillaxe e mesmo algún agasallo. As graduacións universitarias supoñen tamén un importante desembolso para as familias, que o fan cheos de ilusión.

Ao acto académico da imposición de bandas, séguelle unha primeira celebración na propia facultade, á que se suma en moitos casos a cea posterior e a festa. Só no campus de Vigo neste mes celebrarán a súa graduación máis de mil estudantes.