Comesaña é favorable a avanzar cara á normalidade mantendo o principio de prudencia
Considera que a actual taxa de hospitalizacións permite ir dando pasos cara á normalidade.
O conselleiro de Sanidade lamenta que a información sobre a eliminación das corentenas para contactos estreitos (independentemente de se están vacinados ou non) se dese a coñecer antes de ser aprobada na Comisión de Saúde Pública.
Xulio García Comesaña explicou que Galicia é favorable a avanzar cara á normalización sempre e cando se manteña o principio de prudencia.
"Cada día hai persoas -traballadores sanitarios- que se visten con EPI igual que os dous últimos anos, e están toda a súa xornada coidando enfermos con covid en unidades de críticos".
O conselleiro pediu prudencia pero considera que a actual taxa de hospitalizacións permite ir dando pasos cara á normalidade.
