Cinco minutos de despiste foron letais para os intereses do Lugo (2-1)

Cinco minutos de despiste no comezo do segundo tempo custáronlle moi caro ao Lugo que perdeu no campo do Real Madrid Castela na primeira xornada da Primeira Federación. Poucas ocasións houbo no primeiro tempo, a máis clara ao pouco de comezar nun dobre lanzamento do visitante Kevin Presa. 

Na segunda parte o Real Madrid entrou con moita forza e conseguiu adiantarse cos goles de Cestero e de Yáñez. Reaccionou o equipo de Iago Iglesias que dominou a última media hora. Conseguiu recurtar diferenzas nun penalti no que se pediu a intervención do "VAR Low Cost" que esta temporada imos ter na categoría. A decisión ratificou a pena máxima e Lago Júnior puxo o 2-1.

O Lugo gozou de varias ocasións para poñer o empate no marcador, a máis clara nas botas de Txus Alba pero o seu remate saiu moi centrado.