Carlos Domínguez, o talismán do Celta, quere medrar no primeiro equipo
Leva dezaseis partidos co primeiro equipo, con doce vitorias, tres empates e só unha derrota
Debutou en Almería na última xornada e o equipo gañou o primeiro partido
Carlos Domínguez, o central vigués do Celta, atendeu o programa da Radio Galega Ao contraataque, presentado por Pedro Pablo Alonso. O xogador da canteira analizou a actualidade do primeiro equipo e falou sobre a gran xeira de resultados que leva.
Con Carlos Domínguez no equipo titular o Celta xogou dezaseis partidos: doce remataron en vitoria, tres en empate e só un en derrota, ante o Betis.
Domínguez, malia ter un dorsal con ficha do filial, quere centrarse no primeiro equipo e non alternar, como a temporada pasada.
"Fixen unha boa pretemporada, o adestrador agardou ata a xornada 4 e por sorte puidemos gañar".
"Quero xogar o máximo posible no club da miña vida".
"No Celta B xogamos con tres centrais, e para min é moito mellor".
"Compaxinar o filial e o primeiro equipo é difícil no aspecto mental. Cando cambias, a cabeza non che acaba de estar totalmente centrada".
"Estanos custando sacar os puntos na casa, pero contra o Mallorca iso ten que cambiar".
.jpg)
