Carlos Canal, co corazón encollido polos incendios no seu lugar habitual de adestramento

O deportista de alto nivel máis afectado polos incendios na provincia de Ourense é o limián Carlos Canal. O de Movistar percorre de xeito habitual as estradas e a natureza que agora están arrasadas: "O noso campo de adestramento é a natureza, é o bonito do ciclismo. Ver que o teu lugar de adestramento diario se volve negro párteche o corazón", asegurou Canal á Televisión de Galicia. 

Atopábase preparando a Volta a España e por iso non se viu afectado á hora de adestrarse: "Colleume coa preparación en altitude esta semana. Sequedo aquí non podería adestrarme", recoñeceu Canal. 

Este ano a Volta terá dúas etapas que pasan moi preto da zona queimada. A etapa 15 sae da Veiga (Asturias) e remata en Monforte de Lemos. E a 17 ten inicio nun dos concellos máis afectados, O Barco de Valdeorras, e rematará en Ponferrada. Anteriormente súbese en Asturias o Angliru e a Farrapona, lugares nos que tamén houbo incendios. "Hai que darlle visibilidade a esta catástrofe. Agardemos que a Volta axude á recuperación desta fermosa zona de Galicia", conclúe Carlos Canal.