Carlos Alcaraz non xogará a Copa Davis
Alcaraz: "Sempre dixen que xogar por España é o máis grande que hai, e facíame moita ilusión poder axudar a pelexar pola Ensaladeira"
Foto EFE
O español Carlos Alcaraz, número 1 do mundo, non participará na Copa Davis debido un edema no isquiotibial dereito que sufriu durante a súa participación na Copa de Mestres.
"Carlos Alcaraz non poderá formar parte a Selección Española de Tenis que disputará a Final 8 da Copa Davis 2025 na cidade italiana de Boloña a partir do próximo xoves, por mor das molestias físicas sufridas na parte posterior da coxa dereita durante a súa participación nas ATP Finals da semana pasada en Turín", informou a Real Federación Español de Tenis (RFET).
O número 1 do mundo regresará este mesmo martes a España, polo que o equipo que capitanea David Ferrer formarano só 4 integrantes: Jaume Munar, Pablo Carreño, Pedro Martínez Porteiro e Marcel Granollers.
"Sinto moitísimo anunciar que non vou poder xogar con España a Copa Davis en Boloña. Teño un edema no isquiotibial da perna dereita e a recomendación médica é non competir. Sempre dixen que xogar por España é o máis grande que hai e facíame moita ilusión poder axudar a pelexar pola Ensaladeira. Vou doído a casa", declarou Alcaraz.
