Carles Pérez, cedido ao Aris Salónica con opción de compra

O Celta e o Aris Salónica chegaron a un acordo para a cesión do extremo Carles Pérez ao conxunto grego, que terá unha opción de compra sobre os dereitos federativos do futbolista ao finalizar o curso 2025-26, informaron a EFE fontes do club galego.

Será a segunda cesión consecutiva do futbolista formado na canteira do Barcelona, xa que a tempada pasada xogou a préstamo no Xetafe, co que disputou 27 partidos, 15 deles como titular.

Carles Pérez, ao que aínda lle restan dous anos de contrato co Celta, reencontrarase no equipo grego con Rubén Reyes, director deportivo do Xetafe, ata o pasado curso e o seu gran valedor para emprender esta aventura no fútbol heleno.