Candidatura continuísta do BNG, con Ana Pontón, para o novo Consello Nacional
Candidatura continuísta do BNG, con Ana Pontón, para o novo Consello Nacional
A líder do Bloque reitera que aspiran á presidencia da Xunta
O BNG ratificou por unanimidade a candidatura ao Consello Nacional encabezada por Ana Pontón, que se caracteriza pola liña continuísta.
A propia Pontón sinalou que o éxito do Bloque nos últimos anos radicou na lealdade e xenerosidade no seo da formación, que, ao seu entender, deron pé á "unidade de criterio de acción".
Explicou que gran parte dese éxito estivo nunha dirección que soubo combinar experiencia e renovación, e de aí a decisión continuísta coa nova candidatura: "Manter o groso dun equipo de dirección que foi capaz de levar o BNG desde unha situación difícil e complexa ao mellor resultado electoral das dúas últimas décadas, de tal xeito que hoxe somos a segunda forza política do país en disposición de afrontar con éxito o reto de conseguir a presidencia do goberno en 2024"
