Camerún e Serbia empatan (3-3) e seguen con vida

Camerún e Serbia empataron (3-3) este luns nun partido disputado no estadio Al Yanoub. Adiantáronse os africanos grazas ao tanto de Castelletto no minuto 29. Os europeos remontaron cos goles de Pavlovic (m.45+1), Milinkovic Savic (m.45+3) e Mitrovic (m.53), pero acabaron deixando escapar a vitoria ao recibir os goles de Aboubakar (m.63) e de Choupo-Moting (m.66).

Ambas as seleccións, integrantes do Grupo G de Qatar 2022 con Brasil e Suíza, suman un punto tras dous partidos disputados.