Localizan en bo estado na casa o kitesurfista desaparecido na costa de Gavà
O deportista deixara ir a vela por motivos de seguridade e alcanzara o litoral a nado
Os equipos de rescate activaran un amplo dispositivo de busca en pleno temporal de levante
O home que buscaban na costa de Gavà (Barcelona) dende o mediodía deste sábado apareceu en bo estado na súa casa, segundo informan os bombeiros da Generalitat.
Os equipos de emerxencia activaran un amplo dispositivo de busca tras topar á valga a vela da súa táboa, en pleno temporal de levante no litoral catalán.
Ao parecer, o deportista, que practicaba kitesurf, deixou ir a vela por motivos de seguridade, debido ao forte vento e a ondada, e alcanzou a nado a costa.
Ata o lugar desprazáranse efectivos da policía local, os Mossos d'Esquadra cunha embarcación, Salvamento Marítimo con outra embarcación e un helicóptero, ademais dos bombeiros.
Un membro do corpo, afeccionado a este tipo de deportes, contactou con grupos en redes sociais e canais de mensaxería instantánea e logrou dar co propietario da vela que estaba na súa vivenda.
