Atopan o octoxenario que desaparecera en Maceda cando apañaba cogomelos
Localizárono nas inmediacións do santuario dos Milagres
Foi trasladado ao Complexo Hospitalario Universitario de Ourense
Imaxe do veciño de Maceda desaparecido
Aparece san e salvo o home octoxenario que desaparecera nas últimas horas no municipio ourensán de Maceda.
A alerta deuna un familiar do home ao avisar de que este faltaba da súa casa desde primeira hora da tarde, cando saíra ao monte para coller cogomelos.
O operativo de procura centrouse nas últimas horas no lugar de Pías, en Castro de Escuadro, e nel participou a Unidade de Drons da Axega, ademais de efectivos da Garda Civil, dos GES de Maceda, Laza e Pereiro de Aguiar, e voluntarios de Protección Civil de Maceda, Vilar de Barrio e Baños de Molgas.
Finalmente, o home foi localizado no santuario dos Milagres. Foi enviado ao CHOU onde será sometido a un exame médico.
