Buscan o propietario duns cartos atopados por unha veciña en Campo Lameiro

Unha veciña de Campo Lameiro deixou no concello unha certa cantidade de cartos que atopou na rúa. Estaban nas inmediacións da sucursal dun banco, xunto a un paso de peóns.

O concello avisou este venres a través de Facebook de que levaran alí os cartos que alguén perdera. Todos pensan que alguén sacou diñeiro e o perdeu, e salientan o bo facer da veciña que o levou aí.

Dende o concello non quixeron dar máis información para evitar reclamacións falsas. Só din que non era moito diñeiro, e que a veciña que o devolveu pensou que, malia que era pouco, mesmo podía representar unha fortuna para quen o perdera. Para moitos é unha acción sorprendente.

De momento ninguén reclamou o diñeiro no concello, que xa felicitou a agradeceu publicamente o comportamento cívico dunha veciña exemplar.