Brais González: "Para os compositores recibir o encargo dunha ópera é o Graal"

Desde as aldeas do Courel ata a rexión de Umbría, en Italia, chegou a lenda da Loba Branca. Brais González converteu esta historia de respeto á natureza nunha ópera en que se mestura o galego co italiano. Loba branca foi estreada no festival e Cittá de Castelo. O compositor e autor do libreto, Brais González, é ademais un músico deses que non paran. É un dos fundadores de CASPERVEK, unha formación que lle pon son e emocións as películas mudas. E ademais acaban de publicarlle dúas obras en Universal Edition, unha delas estreada en Caracas.