Borja Jiménez non se fía dun Zamora que leva tres vitorias seguidas
Borja Jiménez non se fía dun Zamora que leva tres vitorias seguidas
Sobre a renovación de Noel cre que o club está a facer un esforzo enorme por tentar que quede e só depende del
O Deportivo afrontará este mércores en Zamora o segundo partido dos tres que lle toca disputar en sete días. De todos os xeitos, Borja Jiménez non mira máis aló do inmediato e avisa de que ninguén espera un equipo moi diferente pensando no Racing de Santander.
O técnico branco e azul non se fía do rival. En parte pola boa serie tras a chegada de Yago Iglesias, en parte porque xa lle pareceu un rival de moito nivel na primeira volta:
“Tres vitorias seguidas, chega en boa dinámica como o DUX… a min na primeira volta xa me pareceu un equipo compensado. Púxonolo moi difícil en Riazor. Axustarían, gañaron a balón parado… Se xa nolo puxo difícil vindo mal, imaxinade agora tal e como están"
#OSNOSOS | O #Dépor arranca a segunda volta da liga coa visita mañá mércores a un Zamora CF enrachado https://t.co/ea3mRaobEM pic.twitter.com/3fN723Cl0v
— RC Deportivo (@RCDeportivo) January 25, 2022
Sobre a renovación de Noel:
“Non podo dicir moito… se me preguntan sempre digo que non creo que vaia estar en ningún sitio mellor que aquí. O club está a facer un esforzo enorme por tentar que quede e só depende del. De ninguén máis. Estou encantado con el. Síntome moi identificado e partícipe da súa evolución. Ver que Noel é mellor cada día vouno levar sempre comigo. Encántame a súa actitude, o seu compromiso e o seu rendemento".