Borja Iglesias lémbrase do Celta na súa chegada ás Rozas

Borja Iglesias está asinando o mellor comezo de temporada da súa carreira, sumando 6 goles en 10 partidos. O santiagués foi clave na maioría dos encontros nos que o Celta sumou. Esta xeira e a lesión de Lamine Yamal foron motivos suficientes para que Luis de la Fuente chamara a Borja para disputar os encontros de clasificación ao Mundial 2026, ante Xeorxia, o sábado en Elx e ante Bulgaria, o martes en Valladolid. 

Na súa chegada ás instalacións deportivas da Federación Española nas Rozas, o dianteiro quixo lembrarse do Celta: "Neste intre lémbrome moito dos meus compañeiros, do corpo técnico e do club, que me fan gozar moito e que estou desexando acadar vitorias con eles. Síntome moi querido e moi feliz".

Borja tamén quixo deixar clara a súa ilusión por voltar a unha convocatoria do combinado nacional: "Sempre que sexan partidos coa selección son importantes e se son clasificatorios aínda máis".