Controlado o incendio rexistrado nun edificio deshabitado en Ourense

Un incendio rexistrado na noite deste xoves na cidade das Burgas calcinou un edificio deshabitado. Ocorreu contra a unha e media desta madrugada na rúa Baixada do Outeiro, na antiga Casa de Baños.

Cinco dotacións de bombeiros trasladáronse cara o lugar do sinistro para tentar sufocar as lapas. Ás catro da madrugada permanecían alí dúas unidades facendo traballos de control e revisión. Unha hora máis tarde, daban o incendio por controlado.

O edificio estaba deshabitado, polo que non se rexistraron danos persoais.

Os bombeiros desaloxaron os veciños dun edificio contiguo por precaución. A vivenda quedou completamente arrasada.