Bolaños anuncia 60 novas prazas de xuíces para Galicia nos vindeiros tres anos
Na clausura na Coruña da asemblea da Asociación Francisco de Vitoria anunciou 19 millóns de euros para modernizar e dixitalizar os xulgados galegos
O ministro de Presidencia, Xustiza e Relacións coas Cortes, Félix Bolaños, incidiu este venres na Coruña en que, coa aprobación da lei da carreira xudicial, vaise ampliar "en 2.500 o persoal de xuíces e fiscais". "Nunca houbo un aumento tan grande", recalcou para subliñar que haberá no caso de mil prazas unha regularización extraordinaria con convocatorias no próximos tres anos doutras prazas.
Delas, 19 serán o primeiro ano para Galicia, ata alcanzar os 60 nesta autonomía, precisou con motivo da súa presenza na cidade herculina.
"Son solucións á reivindicación histórica de aumento de xuíces e fiscais", insistiu para aludir a outras actuacións como a modificación "estrutural" da planta xudicial.
"Os tribunais de instancia dan máis axilidade", apostilou sobre outra das medidas e para subliñar que se busca avanzar cara a unha administración de xustiza "do século XXI", con transferencia tamén de fondos, engadiu, ás autonomías, para dixitalizar os xulgados. Esta contía cifrouna en 19 millóns no caso de Galicia.
Bolaños asistiu á clausura da 39 Asemblea da Asociación Francisco de Vitoria, no Palacio de Congresos e Exposicións da Coruña (Palexco).
