A China rexeita o uso do comercio como arma política tras a ameaza de Trump a España

As autoridades chinesas rexeitan que o comercio sexa empregado como arma ou como ferramenta de presión política, despois de que o presidente estadounidense Donald Trump ameazase con cortar as relacións comerciais con España pola súa postura ante a guerra de Irán.

Pequín insiste en que os ataques dos Estados Unidos e Israel contra Irán violan o dereito internacional e reclama o cesamento inmediato das operacións militares.

"O comercio non debe ser utilizado como arma nin como instrumento", afirmou hoxe nunha comparcencia de prensa a portavoz do Ministerio de Exteriores, Mao Ning.

A reacción da segunda economía do mundo prodúcese un día despois de que Trump arremetese contra o Goberno español por negarse a autorizar o uso das bases de Rota e Morón para operacións vinculadas á ofensiva contra Irán.

A Comisión Europea confía en que Washington respecte os seus compromisos comerciais e afirma que protexerá os intereses da UE.