Bo ritmo de vendas de cara o Sorteo da Lotería do Neno da próxima semana
A boa sorte co de Nadal en Galicia anima os compradores
Resta pouco mais dunha semana para o outro gran sorteo destas datas. As vendas da lotería do Neno marchan a bo ritmo animadas polos premios repartidos na de Nadal.
O sorteo do 22 de decembro repartiu máis de 2.400 millóns de euros, mentres que do 6 de xaneiro reparte "só" 700. Se toca un bo premio nun dos dous, no da Lotería de Nadal será de maior contía, por exemplo o Gordo é o dobre.
Pero é máis probable que toque algo no Sorteo do Neno. Aínda que en ambos hai os mesmos números, 100.000, o de Nadal reparte pouco máis de 15 mil premios, mentres que no do Neno son preto de 40.000.
Como non pode ser doutro xeito os 360 millóns de euros que deixou o Gordo do Sorteo de Nadal só en localidades como a Fonsagrada ou A Coruña están axudando a coller máis folgos as vendas destes días de cara ao sorteo da próxima semana.
