Beilás, unha aldea divida pola liña da eclipse
Parte dos veciños só verán a aclipse ao 99,99%
O resto poderá ver a eclipse completa e convidan aos de Lalín a ir velo alí
27 son os concellos galegos polos que pasa a liña divisoria que marca os lugares onde a eclipse será total ou parcial. Achegámonos a Lalín. Na vila, os veciños non quedarán ás escuras totalmente, pero a só dous quilómetros, no lugar de Beilás, si se poderá ver a coroa solar.
Na parroquia de Goiás a veciñanza verá a eclipse total ou parcial desde as súas casas segundo o lugar exacto onde estean. A liña divide Beilás e na aldea os veciños máis afortunados terán catro segundos para ver desaparecer o sol, distinguir as perlas de Baily e apreciar a coroa solar.
Desde a nosa casa vaise ver moi ben, como cando estamos aí sentados vendo o sol poñerse. Hai que poñer lentes e cando empece a escurecer e ver desaparecer o sol será un éxito velo.
Vereino desde a casa, ou aquí arriba na aldea que se pode ver mellor. Sabemos que é unha zona privilexiada para velo.
Do outro lado da aldea quedarán cunha eclipse parcial, do 99,99%. A diferenza parece pequena pero á vista vaise notar ben. Por iso a veciñanza dese lado, ao igual cá de Lalín, hai días que reservaron sitio no altar do sol, en Alperiz.
Iremos velo ao sitio oficial que propón o concello para ter a garantía de que se vai ver. Iremos en familia.
Os veciños de Beilás sentarán coma tódalas tardes a ver o solpor. Este mércores, algo antes, sabéndose privilexiados de estar do lado da liña que deixa ver.
