Baixan a 712 os hospitalizados por covid, 33 menos ca onte
A taxa de positividade aumenta ata o 31,5 %
Os novos contaxios de covid-19 ascenden a 1.568, 157 máis ca onte
As vítimas da pandemia soben a 3.356, tras sumar outras tres mortes
Hoxe hai ingresadas nos hospitais de Galicia 712 persoas por covid, 33 menos ca onte, segundo os datos facilitados pola consellería de Sanidade. Deles, están ingresados en unidades convencionais 690, 29 menos ca o día anterior. O número de ingresados na UCI baixa a 24, catro menos. No seu domicilio hai 15.400 pacientes con covid, segundo os datos da Consellería.
Malia a baixada do número de persoas hospitalizadas, os novos contaxios de covid-19 seguen medrando e ascenden a 1.568 en Galicia, o que supón 157 máis ca onte, e tamén aumenta a taxa de positividade ata o 31,5 % no conxunto de Galicia. O número total de casos activos baixa a 16.112, case 100 menos ca os do día anterior, segundo os datos actualizados este mércores pola Consellería de Sanidade.
