40 tráilers e máis de 80 persoas traballan na montaxe do Marisquiño
O festival de cultura e deporte urbanos máis importantes de España agarda reunir a vindera semana máis de 100.000 persoas en Vigo
Estamos a unha semana do inicio do Marisquiño, o festival de cultura e deporte urbanos máis importantes de España.
A montaxe en Samil está bastante avanzada, malia ser un traballo inxente de case un mes. Corenta tráilers e estruturas de madeira e metal de máis de dous quilómetros e medio inzan xa a explanada de Samil en que se vai realizar o evento en que se agardan 100.000 persoas.
A silueta do Marisquiño xa vai tomando forma. É xa a vixésimo sexta edición. A complexidade da montaxe é incomparable a calquera outro evento porque contén deporte urbano, varias pistas, música, zona de restauración...
Moitos dos participantes na montaxe ademáis de ser profesionais da carpinteiría por exemplo teñen coñecementos dos deportes que se practican.
Entre as novidades deste ano: un concurso internacional de djs, un obradoiro de gravación para redes sociais e outro de montaxe de skates ou de bicis; pero a organización xa avisa de que haberá máis novidades que polo de agora non se poden comentar.
