Atopan morto un home en Gondomar no interior dun depósito de auga

Un home foi atopado morto este martes en Gondomar no interior dun depósito de auga para gando, situada na parroquia de Donas. O servizo de emerxencias 112 Galicia informa de que un veciño localizou o cadáver cando paseaba pola zona e deu o aviso.

O suceso está a ser investigado para ditaminar as causas do falecemento. O falecido é un home de 73 anos, que segundo veciños da zona visitaba a zona con frecuencia para bañarse, e as primeiras hipóteses apuntan a un posible problema de saúde previo que o faría caer na pía, onde morrería afogado.