Atopan morta unha persoa no interior dun transformador en Carballo
Foron operarios dunha empresa eléctrica os que localizaron a persoa falecida e avisaron os servizos de emerxencia
Momento da retirada do cadáver
Traballadores dunha empresa eléctrica localizaron unha persoa falecida, posiblemente electrocutada, no interior dun transformador en Carballo. Os operarios deron aviso minutos antes das 12:30 deste xoves.
A subestación eléctrica está situada na rúa Compostela e ata o lugar desprazouse unha dotación do servizo de Urxencias 061, e efectivos da Garda Civil e da Policía Local.
A subestación eléctrica está situada na rúa Compostela
O forense ordenou xa o levantamento do cadáver e o seu traslado o Chuac para realizarlle a autopsia.
Os servizos de emerxencia traballaron para desconectar a corrente e poder recuperar o corpo en condicións de seguridade. As forzas da orde investigan os feitos para esclarecer o sucedido.
