Ata 66 euros en gastos de xestión por unha entrada de Rosalía: Facua denuncia a promotora

FACUA-Consumidores en Acción denunciou ante o Ministerio de Dereitos Sociais, Consumo e Axenda 2030 a promotora Live Nation España por "impoñer" o pago de ata 66 euros como gastós de xestión nas entradas para os concertos de Rosalía que se celebrarán durante os meses de marzo e abril en Madrid e Barcelona.

Ademais, alertan do cobro dun importe extra en concepto de Platinum que variaría en función da oferta e a demanda.

O Ministerio de Consumo non informa sobre as denuncias recibidas ou as actuacións realizadas, pero analiza "calquera potencial incumprimento da normativa de consumo, tamén en sectores como a venda de entradas", segundo sinalan a Europa Press fontes deste departamento.

Doutra banda, fontes de Live Nation aseguraron a Europa Press que polo momento non recibiron ningunha denuncia.

Pola súa banda, FACUA sinala que a promotora "incorre nunha práctica abusiva ao impoñer un prezo ou outro ás entradas en función da oferta e a demanda, xerándose deste xeito unha sensación de inseguridade entre os consumidores".

A asociación xa denunciou esta promotora noutros ocasións por aplicar gastos de xestión similares e o concepto Platinum nos concertos de Lady Gaga ou AC/DC. O pasado mes de outubro, o Ministerio de Consumo anunciou a apertura dun expediente sancionador a unha gran promotora de festivais por irregularidades que FACUA denunciou.