As tormentas deixan un regueiro de incidencias en toda Galicia
As tormentas deixan un regueiro de incidencias en toda Galicia
Árbores caídas, asolagamentos, apagadas, son as consecuencias das intensas chuvias e do vendaval que asolou Galicia tras unha tarde de calor abafante
O vento derruba un veleiro instalado en cabaletes en Carnota
En minutos pasouse do ceo despexado á escuridade da noite e comezou a aumentar o vento. Eran os avisos do que se aproximaba: un tren de treboadas, que collía a moitos desprevidos.
O ceo tremía deixando paso aos raios. Caeron preto de 6.000 en toda Galicia.
E logo chegou a chuvia, caía de forma torrencial, e con ela os problemas: sumidoiros taponados e atascos, pero tamén alivio para os cidadáns tras unha tarde abafante.
Foi unha noite movida para os servizos de emerxencia. O que máis retiraron, árbores, como unha que caeu xunto ao hospital Materno da Coruña.
Tampouco sobreviviu ao vendaval unha embarcación que estaba a ser reparada en Carnota. Centos de incidencias, pero ningunha delas de gravidade.