As lampreas volven remontar o Ulla
A suba do caudal polas borrascas fixo que aumentaran as capturas
Os prezos comezan a baixar e sitúanse entre os 60 e os 80 euros
"Hai lamprea, este ano apareceu, despois de catro anos desaparecida. Este ano hai e iso anímanos".
"Apareceu de repente aquí, no Miño, en Francia, en todas as partes".
"Ao haber tanta auga, beneficia a pesca".
A suba do Ulla subiu tamén o ánimo dos valeiros. Despois dun comezo de ano desastroso, parados polas fortes correntes e os temporais, as lampreas voven caer nas nasas.
"Con tanta forza que leva o río esta semana entrou peixe bó, estamos tendo agora unha campaña boa".
"Desde a segunda quincena de febreiro estamos pescando moi ben, pero con moito aparello roto por culpa da forza da auga".
O exceso de auga doce das borrascas, que tanto marisco matou na ría, serviu de guía para que as lampreas remontaran o río.
"A lamprea está no mar agardando para remontar e cando entra tanta auga doce na ría ten máis fácil atopar o río".
"Atopa o río antes, remonta antes e entra máis lamprea, lamprea grande de quilo e medio".
E agora que hai máis oferta, comezan a baixar a os prezos.
"A grande está a 80 e a mediana a 50, antes estaba a 100 ou 120 euros porque non había".
"O 90 % véndese para restaurantes".
Un manxar que non entra polo ollo, pero si por un sabor único que aquí animan a probar aproveitando que a temporada non remata ata o mes de abril...
"Que a xente se anime a comela que hai lamprea boa".
