Publicador de contidos

Publicador de contidos

As gasolineiras aseguran que están nunha situación asfixiante

As gasolineiras aseguran que están nunha situación asfixiante

Máis da metade aínda non recibiron os cartos que adiantaron no mes de abril

A situación é moi delicada para moitas gasolineiras

G24.gal 13/05/2022 14:28

Máis da metade das gasolineiras españolas levan mes e medio esperando a que o Ministerio lles aboe os 20 céntimos que descontan no combustible. A estas alturas din que xa non poden aguantar más a asfixia económica.

Ao bordo do colapso. Así definen a súa situación dende a agrupación de gasolineiras. Denuncian que a maioría non recibiu a devolución da bonificación, unha situación que se agrava aínda máis nas gasolineiras pequenas. Acusan o Goberno de falta de sensibilidade, xa que non foi capaz de dar unha resposta ás solicitudes do sector. Din que están a facer un grande esforzo todos os días e que están poñendo en grave risco a supervivencia dos seus negocios.

Dende o un de abril pecharon en España unhas duascentas estacións de servizo. É unha porcentaxe mínima, aseguran dende Aevecar, pero é unha mostra dunha situación que definen como asfixiante.

Agora deberían estar recibindo xa as cantidades, os vinte céntimos por litro, que adiantaron a comezos de mes. Pero nin o recibiron nin saben cando o van recibir. Din que tampouco teñen contacto co Goberno. Mentres, o Executivo di estar moi pendente de se as gasolineiras están subindo os prezos.

Unha ameaza, que Competencia vixíe as petroleiras, sen ningún tipo de lóxica, din os gasolineiros, xa que o prezo dos combustibles non depende nin do sector nin do Goberno. É, aseguran, unha consecuencia da situación internacional.

Publicidade
Publicidade
Publicidade
Pódeche interesar