As farmacias lanzan unha campaña para pedir as receitas a tempo
A campaña desenvólvese nos centros de saúde e nas farmacias das áreas sanitarias de Pontevedra-O Salnés, Vigo e Santiago
Pon o foco na responsabilidade do paciente para pedir a cita médica con antelación unha vez que recolle o último envase na botica
Para evitar este tipo de situacións cando a receita xa non está activa ponse en marcha esta campaña en que os farmacéuticos serán os encargados de avisar os pacientes de que están recollendo a última receita.
Ata as boticas xa chegou o material de apoio da campaña co que se tratará de facela o máis eficiente posible.
Baixo o lema "Última receita? Pide xa a túa cita médica", a campaña busca reducir as consultas urxentes que teñen como motivo a solicitude de prescricións para renovar a medicación.
Ademais, hai carteis informativos nos centros de saúde e nas farmacias das áreas sanitarias de Pontevedra-O Salnés, Vigo e Santiago, onde se está a desenvolver a campaña.
