Ares tira de carraxe en Zarautz e ponse a cinco puntos da permanencia
A embarcación galega exprime as opcións na primeira xornada en Zarautz
Este domingo poderemos ver a segunda xornada na G2 e en AGalega.gal
Na Liga ACT de traiñeiras, esta tarde asistimos á primeira xornada da Bandeira de Zarautz, con Ares e Chapela loitando por evitar o descenso.
Ares gañou a primeira quenda e acabou no noveno posto. Ocupa posto de playoff e está a só cinco puntos de manter a categoría con tres xornadas por disputar. Pola súa parte, Chapela quedou de terceira nesa mesma quenda e mantense na praza de descenso.
Este domingo as nosas embarcacións terán outra oportunidade para escalar postos na clasificación xeral. A resolución da prestixiosa Bandeira de Zarautz poderemos seguila a partires das 11.20 hs da mañá na nosa segunda canle e en AGalega.gal.
