Arden cinco coches en Marín nun incendio que semella intencionado

Cinco vehículos resultaron danados na madrugada deste venres en Marín por un incendio que se orixinou nun dos coches cando estaban estacionados, segundo informou o 112 Galicia.

O suceso ocorreu ás 3:15 horas deste venres xunto ao campo de fútbol de San Pedro.

Ata o lugar acudiron a Policía Local e os bombeiros do Morrazo.

O lume calcinou por completo dous vehículos, un terceiro resultou afectado na defensa traseira e outros dous danados levemente.

Fontes da investigación cren que o incendio foi intencionado.