Arde unha casa abandonada en Moaña

A casa ardeu por completo este sábado pola noite. O incendio produciuse pasadas as once no barrio da Miranda. O aviso dun veciño alertou os servizos de emerxencia, que acudiron á vivenda, que durante o día está habitualmente ocupada de forma ilegal. 

Despois de comprobaren que non había ninguén dentro, os servizos de extinción apagaron as lapas e evitaron que o lume se estendese ás casas lindeiras. Precisamente os veciños foron os primeiros que trataron de sufocar o incendio. Os equipos de Protección Civil de Moaña e de Cangas xunto coa policía local controlaron a situación.  

Investígase agora como comezou o lume na vivenda que quedou calcinada.