Atopado morto o veciño da Coruña desaparecido este luns

Buscábano dende o luns e finalmente localizaron o seu corpo sen vida este mércores pola tarde.
Manuel Santiago, a vítima, de 74 anos, é veciño do barrio coruñés do Ventorrillo.

Un dos cans que participaba no operativo de busca detectou o corpo nunha zona boscosa, preto do monte de San Pedro.

Manuel saíu a pasear, como facía habitualmente. Ao ver que non regresaba, a familia deu a voz de alarma. Inmediatamente, púxose en marcha un amplo dispositivo de busca en que, ademais dos servizos de emerxencias, tamén participaron numerosos veciños e amigos.