O Celta fai oficial a fichaxe do dianteiro grego Anastasios Douvikas
Procede do Utrecht, onde marcou 32 goles nos 77 partidos que disputou
Asina por 5 temporadas, ata 2028
O dianteiro grego Anastasios Douvikas, futbolista do Utrecht neerlandés, é a sexta fichaxe do Celta, segundo informa a entidade galega. O futbolista, de 24 anos, chegou onte a Vigo e hoxe, luns, poñerase ás ordes de Rafa Benítez na cidade deportiva Afouteza. Asina un contrato por cinco temporadas.
Douvikas, unha aposta persoal do asesor deportivo Luís Campos, chega a Balaídos avalado polos seus espectaculares números na Eredivisie, onde marcou 32 goles nos 77 partidos que disputou co Utrecht.
O internacional grego é a sexta incorporación do Celta para o curso 2023-24 tras Carles Pérez (AS Roma), Manu Sánchez (Atlético de Madrid), Jonathan Bamba (Lille), Carlos Dotor (Real Madrid Castela) e Carl Starfelt (Celtic).
