Alicia Flórez chega ao Ensino cedida polo Valencia

O Valencia Basket cedeu á canteirá Alicia Flórez ao Durán Maquinaria Ensino de Lugo para disputar a próxima tempada da Liga Feminina Endesa, segundo informou o club este mércores nun comunicado.

Flórez chegou á entidade 'taronja' na tempada 2022/2023 e disputou os 'play offs' da liga Feminina Challenge coa Cordà de Paterna, equipo vinculado ao Valencia Basket.

Desde a seguinte tempada, a xogadora de León estivo a participar nos dous equipos e este ano tivo máis protagonismo co Valencia Basket por mor das lesións de xogadoras como Queralt Casas ou Leticia Romero.

Aos seus 21 anos, Flórez disputou un total de 58 partidos coa camiseta ‘taronja’ repartidos entre a liga Feminina Endesa, a Euroliga e a Supercopa Endesa.

Ademais, a leonesa formou parte dos equipos que gañaron os dous últimos títulos de Liga e outros tantos da Supercopa e tamén foi subcampioa de Europa sub-18 e medalla de bronce no Mundial 3x3 sub 18 en 2022 coa Selección Española.