Publicador de contidos

Publicador de contidos

Alemaña súmase ao proxecto de interconexión enerxética H2Med

Alemaña súmase ao proxecto de interconexión enerxética H2Med

Participará no hidroduto de hidróxeno verde que unirá España, Portugal e Francia

G24.gal 22/01/2023 20:47 Última actualización 22/01/2023 21:07

O H2Med esténdese a Alemaña. Berlín participará no hidroduto que unirá España, Portugal e Francia para transportar hidróxeno verde por Europa.

É un dos anuncios cos que rematou o cumio francoalemán que reuniu os gobernos de ambos os dous países en París. Un encontro en que as partes mostraron unidade fronte ás súas diferenzas en materia de defensa e enerxía a raíz da invasión de Ucraína.

Scholz ratificou o apoio indefinido a Kíiv con todos os medios necesarios. Se ben seguiu sen aclarar se permitirá o envío dos tanques Leopard 2 alemáns.

Macron, que non excluíu mandar tanques franceses, admitiu que estas decisións deben axustarse ao criterio de non provocar unha escalada no conflito. O presidente francés subliñou que nos próximos días seguirán estudando esta petición de Kíiv co resto dos aliados.

Publicidade
Publicidade
Publicidade
Publicidade