Alba Prieto achega o Ensino á segunda rolda da Eurocup Women
A ala andaluza foi a mellor das lucenses no triunfo ante o Namur belga
Unha vitoria nas dúas xornadas restantes garantiría a clasificación do equipo que adestra Miguel Ángel Ortega
O Ensino Lugo conseguiu a súa segunda vitoria na fase de grupos da Eurocup Women tras derrotar o Namur belga no Pazo dos deportes lucense. O triunfo deixa o equipo que adestra Miguel Ángel Ortega a unha vitoria da clasificación, que mesmo podería conseguir sen gañar ningún dos dous partidos restantes, dependendo dos outros marcadores.
A escolta andaluza Alba Priero foi a xogadora máis destacada das lucenses, con 17 puntos, e xogaba onte á noite ao contraataque.
"Comezamos cun ritmo moi alto e a elas custoulles seguilo. Ó final relaxámonos un pouco e complicamos o partido. Agora queremos ser segundas e iremos a Bélxica gañar ó Kangeroes. Traballei moi duro tras a lesión e cada vez estou mellor".
