Afectados de covid–19 persistente únense para pedir máis investigación e atención

Dous anos despois de que comezara a pandemia, as persoas que padecen a covid–19 persistente aínda non puideron recuperar a normalidade. Manteñen síntomas incapacitantes que lles impiden facer as súas vidas e traballar.

É a realidade con que conviven Rita, Isabel, Pablo, Pilar e Mari. Todos padecen a covid–19 persistente desde que se contaxiaron hai case dous anos.

Para pedir máis investigación e unha atención multidisciplinar, 78 persoas afectadas en Galicia constiuíron o colectivo de pacientes Long Covid.