Filipe VI: a UE non pode aceptar e menos avalar formulacións xeopolíticas doutra época

Filipe VI asegurou ante o Parlamento Europeo que a unidade de Europa é a súa forza, "que a forza sen principios equivale á barbarie" e que Europa "non pode aceptar, nin moito menos avalar, formulacións xeopolíticas doutra época coma se fosen signos dun tempo novo".

O rei de España, xunto ao presidente portugués, Marcelo Rebelo de Sousa, interveu este mércores ante a sesión plenaria do Parlamento Europeo, con motivo do 40 Aniversario da adhesión de España e Portugal á Unión Europea, celebrado o 1 de xaneiro de 2026.

O xefe do Estado español defendeu a política exterior europea, "a que defende as solucións baseadas en normas e o diálogo como leito para resolver conflitos e promover a paz, a estabilidade e a cooperación.

Ou a que non pode aceptar —nin moito menos avalar— formulacións xeopolíticas doutra época coma se fosen signos dun tempo novo". Nunca como nestes tempos "escuros", foi a idea de Europa tan necesaria, dixo o rei de España, tempos que lembran que "a forza sen principios equivale á barbarie", polo que animou a seguir traballando na autonomía estratéxica, "no reforzo do piar europeo dentro da Alianza Atlántica".