Declarada a situación 2 no incendio de Ribas de Sil pola proximidade ao núcleo de Chenzas
A causa máis probable do incendio é un raio
A Xunta declarou a situación 2 no lume de modo preventivo
A Consellería do Medio Rural informou dun incendio forestal, que se rexistra no concello lucense de Ribas de Sil, parroquia de Soutordei.
O lume iniciouse ás 18.22 horas de hoxe e segundo as últimas estimacións provisionais supera as 20 hectáreas de superficie afectada.
A causa probable do incendio é un raio que caeu no monte durante a tarde deste domingo.
Para a súa extinción mobilizáronse, polo de agora, 1 técnico, 5 axentes, 9 brigadas, 9 motobombas, 3 pas, 5 helicópteros e 4 avións.
Na noite deste domingo a Xunta declarou a situación 2 no lume de modo preventivo debido á proximidade co nucleo de Chenzas.
DECLARADA a Situación 2, como medida preventiva, no #IFSoutordeiRibasdeSil, por proximidade ao núcleo de Chenzas.
— incendios 085 (@incendios085) July 11, 2026
