Abre o prazo para que os estudantes de Erasmus pidan as axudas da Xunta

Este martes, 3 de xaneiro, ábrese o prazo para pedir as axudas destinadas aos estudantes das tres universidades públicas galegas que participen no programa Erasmus durante este curso.

A Xunta dispuxo unha partida dun millón e medio de euros. Os universitarios percibirán dende 125 euros ao mes ata case 200, dependendo do país de destino. Teñen un mes para solicitalas na sede electrónica da Xunta.