A Xunta presentará alegacións contra a planificación eléctrica que cre que "discrimina" Galicia

O Consello da Xunta acordou este luns presentar alegacións contra a proposta do Goberno de nova planificación eléctrica 2025-2030, que desde o executivo de Alfonso Rueda cren que "discrimina" a Galicia.

Segundo explicou Rueda, ese planeamento destina menos dun 3 % dos seus investimentos a Galicia.

"Necesitamos infraestruturas modernas axeitadas para as necesidades presentes e futuras", dixo o presidente da Xunta, quen asegurou que nun momento como o actual "de transición verde, con cada vez máis demanda, non é de recibo unha discriminación nas asignacións".