A Xunta e o sector pesqueiro urxen o Goberno a pedir a suspensión cautelar do veto á pesca de fondo
Preparan informes técnicos para enviarlle ao ministerio que sustenten o recurso contra o regulamento comunitario
A Xunta e o sector pesqueiro instan o Goberno español a que presente canto antes o recurso contra o veto da pesca de fondo e solicite a suspensión cautelar da medida.
Este xoves reuníronse na Consellería de Pesca para preparar os informes técnicos que enviarán ao ministerio, necesarios para sustentar a reclamación xudicial.
Tanto o sector coma o Goberno galego insisten en que ten que ser o Estado o que presente o recurso ante o Tribunal de Xustiza da Unión Europea e que ten que facelo canto antes.
O Goberno di que fará o posible para paralizar a medida
O ministro Luis Planas confirma que o veto á pesca de fondo estará na orde do Consello de Ministros de Pesca da Unión Europea da próxima semana. E insiste en que o Goberno fará todo o posible por paralizar a medida.
