Desactivado o plan Inungal tras un mes operativo polo risco de inundacións

A Xunta desactivou este domingo, 22 de febreiro, o plan especial de Protección Civil ante o risco de inundacións en Galicia (Inungal), tras cinco semanas operativo.

O Goberno galego toma a decisión polo nivel de normalidade que amosan os caudais e a previsión meteorolóxica para as vindeiras xornadas. Ademais, non hai ningún río en alerta.

Segundo indica, "redúcese considerablemente o risco por desbordamentos" na comunidade, logo dun mes de abundantes precipitacións. O Executivo activara o plan Inungal en fase de preemerxencia o pasado 20 de xaneiro.