A vaga de calor non dá tregua e mantén en alerta case toda España
Os mercurios superan os 40 ºC en moitas áreas españolas
A calor non dá tregua e as medicións dos termómetros rexistran cifras case de récord, sobre todo no cuarto sur occidental da Península.
En Estremadura, o máximo nivel de alerta afecta case todo o territorio. Nesa comunidade autónoma rexistráronse esta noite oito das dez temperaturas máis altas de toda España, coas localidades pacenses de Cañaveral e Zorita á cabeza con máis de 36 graos.
As dúas Castelas súmanse ás comunidades con parte do seu territorio en alerta vermella por temperaturas máximas que oscilarán entre os 42 e os 45 graos.
Nesta situación está o sur das provincias de Ávila e Salamanca e o val do Texo en Toledo.
En Andalucía mantense a alerta vermella no val do Guadalquivir, onde o mercurio escalará ata os 44 graos.
No resto de comunidades a calor tamén será intensa nas zonas de interior e algo máis levadía na costa.
