A selección sub-20 avanza aos cuartos de final do mundial
O deportivista David Mella disputou a última media hora do partido
O rival nos cuartos de final sairá da eliminatoria que enfronta Colombia e Suráfrica
@SEFutbol
A selección española sub-20 estará nos cuartos de final do mundial de Chile tras derrotar onte a Ucraína por un tanto a cero. Foi o mellor partido dos de Paco Gallardo no que levamos de campionato. Desde o inicio foi superior ao combinado do leste de Europa. E cedo cristalizaría a súa superioridade cun gran gol do xogador do Betis Pablo García tras unha grande asistencia de Rodrigo Mendoza.
Na segunda metade Ucraína tentou revitalizar o seu ataque pero o dominio do partido foi sempre do combinado español. O deportivista David Mella entraría a trinta minutos do final e colaboraría para que a selección non pasase apuros para manter o resultado e se puidera meter entre os oito mellores equipos do torneo.
