A romaría dos Milagres de Amil congrega devotos de toda Galicia no seu día grande
É unha das romarías relixiosas con máis sona do país
Hai misas, novenas e verbenas durante case todo o mes de setembro
Os romeiros empezaron a chegar de madrugada ao santuario dos Milagres de Amil, neste domingo día grande da festa. Uns en coche ou autobús, outros a pé desde distintos lugares da comarca de Caldas e mesmo desde Pontevedra.
"Desde A Estrada, ás sete da mañá, vaise levando ben".
"Desde pequeniña, xa meus pais viñan e eu sigo coa tradición, cousa que os fillos agora non fan", din dous que fixeron o camiño a pé.
Entre as seis da mañá e as oito da tarde sucédense as misas. A solemne, á unha da tarde.
"Está poñendo unha candea, podemos saber o motivo? Si, é por unha morte". "Non veño por promesa, veño por fe". "É a primeira vez que vimos os tres. Un compañeiro díxollo ao noso pai, apeteceunos vir, parecíanos curioso, un bo acto de fe". "É a primeira vez e non a coñecía", contan outros romeiros.
A de Amil, en Moraña, é unha dos romarías relixiosas con máis sona en toda Galicia. Este ano, as misas, as novenas e verbenas empezaron o día cinco e rematarán o 28 de setembro.
