A princesa Leonor volveu a Marín para participar nuns campionatos deportivos
A filla maior dos Reis está participando nos campionatos deportivos de academias militares como membro do equipo da academia do aire San Javier, onde se está a formar
A princesa Leonor non tardou moito en volver a Marín. Dende o venres está na Escola Naval, pero desta vez será unha estancia máis curta ca a última.
Leonor está competindo xunto aos seus compañeiros da Academia Xeral do Aire nos Campionatos Deportivos Interacademias que engloban as catro escolas militares.
Nunha das fotografías vese a princesa coa indumentaria da modalidade de esgrima. Polos resultados que ofrece a páxina oficial da competición, parece que non puideron obter ningunha medalla nesta disciplina.
A filla maior dos Reis é unha dos 400 atletas que disputan este campionato, que fai 25 anos, unha tradición entre os membros do exército que nesta ocasión se celebra en Galicia.
