A incidencia en España rexistra a terceira baixada consecutiva
Descende timidamente a presión hospitalaria
O Ministerio notifica 162 falecementos
.png)
As comunidades autónomas notificaron este xoves ao Ministerio de Sanidade 157.447 novos casos de covid–19, 55.002 deles diagnosticados nas últimas 24 horas. Estas cifras son inferiores ás do mesmo día da semana pasada, cando se notificaron 159.161 positivos.
A cifra total de contaxios en España elévase xa a 8.834.363 desde o inicio da pandemia, segundo as estatísticas oficiais. A incidencia acumulada nos últimos 14 días por 100.000 habitantes sitúase en 3.279,36 puntos, fronte a 3.286,44 puntos de onte.
No informe deste xoves engadíronse 162 falecementos, en comparación con 112 da semana pasada. Ata 91.599 persoas con proba diagnóstica positiva faleceron desde que o virus chegou a España, de acordo cos datos recolleitos polo Ministerio.
Actualmente, hai 18.934 pacientes ingresados por COVID–19 en toda España (19.000 mércores) e 2.204 en UCI (2.230 mércores). Nas últimas 24 horas producíronse 2.471 ingresos (2.483 o mércores) e 2.436 altas (2.513 o mércores). A taxa de ocupación de camas por coronavirus sitúase no 15,20 por cento (15,25 % mércores) e nas UCI no 23,30 por cento (23,59 % mércores).
